Forsíðawillamina2024-07-03T10:31:01+00:00

Byggðasafn Árnesinga

Eitt safn í fjórum húsum
-og miklu meira

Opnunartímar og verðskrá

Sýningar og viðburðir

Hópabókanir og skólahópar

Staðsetningar og sýningarhús

Við erum staðsett á nokkrum stöðum í Árnessýslu. Skoðaðu sýningarhúsin okkar og finndu sýningu sem hentar þér

Húsið

Sjóminjasafnið

Kirkjubær

Útihús og Eggjaskúr

Beitingaskúrinn

Þuríðarbúð

Rjómabúið

Hér og þar

Sjá allar staðsetningar

byggdasafnarnesinga

Instagram post 18018711104542822

Instagram post 18018711104542822

Instagram post 17933066360822613

Instagram post 17933066360822613

FÁTÆKI DRENGURINN SEM VARÐ ALÞINGISMAÐUR Sunn

FÁTÆKI DRENGURINN SEM VARÐ ALÞINGISMAÐUR
Sunnudaginn 27. október kl. 14 heldur Guðni Ágústsson, fyrrverandi ráðherra, fyrirlestur sem hann nefnir „Faðir minn Ágúst Þorvaldsson, fátæki drengurinn sem varð alþingismaður“. Fyrirlesturinn er á vegum Byggðasafns Árnesinga og verður í varðveisluhúsi safnsins að Búðarstíg 22 á Eyrarbakka.
Fjallað verður um æsku Ágústs Þorvaldssonar á Eyrarbakka þar sem hann bjó á nokkrum stöðum hjá foreldrum sínum og síðan hjá fósturforeldrum í sárri fátækt. Meðal annars í Hraunshverfi austan Eyrarbakka og voru Ágúst og fósturbróðir hans Hjálmtýr því gjarnan nefndir urðarkettirnir þegar þeir áttu leið í þorpið. Umskipti urðu í lífi Ágústs þegar honum var tíu ára komið að Brúnastöðum í Hraungerðishreppi til fósturforeldra þeirra Ketils Arnoddssonar og Guðlaugar Sæfúsdóttur. Síðan lá leið hans upp á við og árið 1932 varð hann bóndi á Brúnastöðum 25 ára. Hann var valinn til trúnaðarstarfa fyrir samfélagið og alþingismaður varð hann árið 1956. Hann og kona hans Ingveldur Ástgeirsdóttir eignuðust 16 börn. Guðni mun sýna kvikmynd sem Jón Ársæll Þórðarson gerði um ævi Ágústs.
Að fyrirlestri loknum verða umræður og kaffispjall. Fyrirlesturinn er dagskrárliður í Menningarmánuði Árborgar. Aðgangur ókeypis. ##byggdasafnarnesinga #fátækt #æska #fyrirlestur #gudniagustsson #eyrarbakki

Góður rómur var gerður að fróðlegu erindi B

Góður rómur var gerður að fróðlegu erindi Bjarna Guðmundssonar prófessors á Hvanneyri um nýsköpun búhátta í sunnlenskum sveitum á 20. öld. Fyrirlesturinn var í dag sunnudag í varðveisluhúsi safnsins og var vel sóttur. Bjarni kom víða við, ræddi m.a. um rjómabúin í upphafi aldarinnar, Eylands-ljáina, heybindivélarnar upp úr 1970 og sauðfjárböðun en tildrög þess að safnið fékk Bjarna til að halda fyrirlestur var ljósmynd af böðun Sandvíkurhreppsbúa í hinum svokallaða rjómaskála í Sandvík. Allt er þetta liðin tíð. #byggdasafnarnesinga #búhættir #búskapur #fyrirlestur

Sýningin Gullspor stendur nú yfir í Sjóminjasa

Sýningin Gullspor stendur nú yfir í Sjóminjasafninu á Eyrarbakka. Töfrandi gripir og merkileg saga! Safnið er opið á sunnudögum í október, enginn aðgangseyrir. #byggdasafnarnesinga #gullspor #menningarmánuðurinnoktóber

NÝSKÖPUN BÚHÁTTA Sunnudaginn 20. október kl.

NÝSKÖPUN BÚHÁTTA
Sunnudaginn 20. október kl. 14 heldur Bjarni Guðmundsson, prófessor á Hvanneyri, fyrirlesturinn „Um nýsköpun búhátta í sunnlenskum sveitum á fyrri hluta 20. aldar“. Fyrirlesturinn er á vegum Byggðasafns Árnesinga og verður í varðveisluhúsi safnsins að Búðarstíg 22 á Eyrarbakka.
Bjarni hefur rannsakað búhætti á Íslandi á 20. öld og sent frá sér margar bækur og greinar um efnið. Þar má nefna snjalla bók um útbreiðslu dráttarvélarinnar Ferguson. Bjarni veitti Landbúnaðarsafni Íslands á Hvanneyri forstöðu til 2017 en áratugum saman á undan starfaði hann að kennslu og rannsóknum við Bændaskólann á Hvanneyri. Hans nýjasta bók heitir Búverk og breyttir tímar og fjallar um nokkur verk og verkfæri sem alþekkt voru á síðustu öld en hafa ýmist horfið úr verkahring bænda eða breyst í helstu atriðum. Bjarni mun leggja áherslu á breytingar í búháttum sunnlenskra bænda.
Að fyrirlestri loknum verða umræður og kaffispjall. Þess er vænst að gamlir nemendur Bjarna mæti til að hitta og hlýða á sinn gamla læriföður. Fyrirlesturinn er dagskrárliður í Menningarmánuði Árborgar. Aðgangur ókeypis.

Tónlistarhátíðin „Tónlistin á Bakkanum“

Tónlistarhátíðin „Tónlistin á Bakkanum“ var vel heppnuð og fjölsótt í gær 11. og í dag 12. október á afmælisdegi Páls Ísólfssonar tónskálds. Söngfjelagið var í forsvari fyrir hátíðinni í samstarfi við Leikfélag Eyrarbakka, Kammerkór Eyrarbakkakirkju og Byggðasafn Árnesinga. Stofutónleikar, málþing og hátíðartónleikar tileinkað tónlistarlífinu á Eyrarbakka og Stokkseyri kringum aldamótin 1900. Byggðasafn Árnesinga hýsti stofutónleika í Húsinu og málþing sem haldið var í dag í Varðveisluhúsi safnsins.

TÓNLISTIN Á BAKKANUM
Boðað er til tónlistarhátíðarinnar Tónlistin á Bakkanum dagana 11.-12. október 2024 á vegum Söngfjelagsins og í samstarfi við Leikfélag Eyrarbakka, kirkjukór Eyrarbakkakirkju og Byggðasafn Árnesinga. Stofutónleikar, málþing og hátíðartónleikar tileinkað tónlistarlífinu á Eyrarbakka og Stokkseyri kringum aldamótin 1900.
Föstudaginn 11. október kl. 20 verður opið hús í Húsinu á Eyrarbakka þar sem einsöngvararnir Björg Þórhallsdóttir, Eyjólfur Eyjólfsson og Hildigunnur Einarsdóttir, ásamt Hilmari Erni Agnarssyni og félögum úr Leikfélagi Eyrarbakka munu skapa ógleymanlega kvöldvökustemningu.
Laugardaginn 12. október kl. 13 verður dagskrá í tali og tónum í Varðveisluhúsi Byggðasafns Árnesinga að Búðarstíg 22 og hefur yfirskriftina Er Bakkinn kannski vagga íslenskrar tónlistar? Þar verða samræður Kristínar Bragadóttur sagnfræðings, Bjarka Sveinbjörnssonar tónlistarfræðings og fleiri gesta um þá merku frumkvöðla íslensks tónlistarlífs sem tengdust Eyrarbakka og Stokkseyri um og eftir aldamótin 1900. Búast má við að stakir félagar úr Söngfjelaginu brýni raustina þar sem við á. Umsjón Jón Karl Helgason.
Laugardaginn 12. október kl. 16 verða hátíðartónleikar í Eyrarbakkakirkju. Flytjendur eru Söngfjelagið undir stjórn Hilmars Arnar Agnarssonar, einsöngvararnir Björg Þórhallsdóttir, Eyjólfur Eyjólfsson og Hildigunnur Einarsdóttir, og Kór Eyrarbakkakirkju undir stjórn Péturs Nóa Stefánssonar. Á efnisskránni eru lög eftir tónskáld með tengsl við Eyrarbakka. Þá verður frumflutt verk eftir Elínu Gunnlaugsdóttur tónskáld.
Ókeypis er á alla dagskrárliði hátíðarinnar. #husid #eyrarbakki #byggdasafnarnesinga #songfjelagid #tonlist

Svona dagar eru gulls ígildi! Vel heppnaður gre

Svona dagar eru gulls ígildi!

Vel heppnaður greiningardagur á Byggðasafni Árnesinga. Sunnudaginn 6. október gafst fólki tækifæri til að koma með gull- og silfurgripi úr einkaeigu þar sem sérfræðingar tóku á móti gestum okkar og gátu í mörgum tilvikum lesið ýmsilegt spennandi úr gripunum. Stundum var hægt að segja til um hver smíðaði gripinn eða hvenær, hvort um innlenda smíði væri að ræða og þá gátu sérfræðingarnir einnig sagt til um efni gripanna, smíðatækni og rýnt í handbragðið. Þar að auki voru ótal sögur sagðar sem óneitanlega fylgja gripum af þessu tagi, gripum sem hafa jafnvel gengið frá kynslóð til kynslóðar og eru í þessum sögum ekki síður fólgin verðmæti. Stundin var notaleg og það er gulls ígildi fyrir okkur á safninu að fá tækifæri til að leiða fólk saman!

Þau sem tóku á móti fólki þennan dag og miðluðu af sérfræðiþekkingu sinni voru Halla Bogadóttir gullsmiður, Lilja Árnadóttir fyrrum sérfræðingur við Þjóðminjasafn Íslands, Bogi Karlsson úrsmiður, Ásgeir Reynisson gullsmiður og Birgir D. Ingibergsson gullmsíðanemi. Við þökkum þeim innilega fyrir þeirra framlag!

Dagurinn var hluti af menningardagskránni Gullspor en samnefnd sýning er opin í Sjóminjasafninu á Eyrarbakka alla sunnudaga í október!
#byggðasafnárnesinga #gullogsilfursmíði #gullspor

Instagram Byggðasafns Árnesinga

Opnunartímar Byggðasafns Árnesinga

1. maí – 30. september

Mán-Sun 10:00 – 17:00

Screenshot 2024-04-28 at 14.43.32